മുക്കം: കാരശ്ശേരി വാര്‍ഡ് യൂത്ത് ലീഗ് കമ്മിറ്റി സംഘടിപ്പിക്കുന്ന ശിഹാബ് തങ്ങള്‍ അനുസ്മരണവും പെരുന്നാള്‍ കിറ്റ് വിതരണവും വിദ്യാഭ്യാസ സമ്മേളന പ്രഖ്യാപനവും ജൂണ്‍ അഞ്ചിന് വൈകിട്ട് 4.30ന് കാരശ്ശേരിയില്‍ നടക്കും. നജീബ് കാന്തപുരം ഉദ്ഘാടനം ചെയ്യും. കിറ്റ് വിതരണോദ്ഘാടനം മണ്ഡലം ലീഗ് ജന. സെക്രട്ടറി കെ.വി അബ്ദുറഹ്മാനും വിദ്യാഭ്യാസ സമ്മേളന പ്രഖ്യാപനം പഞ്ചായത്ത് ലീഗ് പ്രസിഡന്റ് കെ. കോയയും നിര്‍വഹിക്കും.
ഇതുസംബന്ധിച്ച് ചേര്‍ന്ന യോഗം മണ്ഡലം യൂത്ത് ലീഗ് സെക്രട്ടറി നിസാം കാരശ്ശേരി ഉദ്ഘാടനം ചെയ്തു. ഇ.കെ നാസര്‍ അധ്യക്ഷനായി. വി.പി ഷഫീഖ്, അബു സുഫിയാന്‍, ഷൈജല്‍ മുട്ടാത്ത്, കെ. ജുനൈദ്, എം. മുസ്തഫ, വി.പി ഫായിസ് സംസാരിച്ചു. പരിപാടിയുടെ വിജയത്തിനായി സി.കെ ഷാഫി ചെയര്‍മാനും ഹിദാഷ് പറശ്ശേരി കണ്‍വീനറും ഇ.കെ സാബിത്ത് ട്രഷററുമായ സംഘാടകസമിതി രൂപീകരിച്ച് പ്രവര്‍ത്തനമാരംഭിച്ചു.