കുറ്റ്യാടി: രാജ്യം ഫാസിസ വല്‍ക്കരിക്കപ്പെടുമ്പോള്‍ അതിനെതിരേ ശക്തമായി ചെറുത്തുനില്‍ക്കാന്‍ യുവ തലമുറ മുന്നോട്ടു വരണമെന്ന് മന്ത്രി ജി.സുധാകരന്‍ പറഞ്ഞു.
ലോക വനിതാ ദിനത്തില്‍ പങ്കെടുത്ത കേരളത്തില്‍നിന്നുള്ള വനിതാ പ്രസിഡന്റുമാരുടെ ശിരോവസ്ത്രം അഴിച്ചുമാറ്റാനാവശ്യപ്പെട്ട സംഭവം സാമൂഹ മാധ്യമങ്ങളിലൂടെ പുറം ലോകത്തെ അറിയിച്ച അശ്വതിക്ക് കായക്കൊടി പഞ്ചായത്തില്‍ നല്‍കിയ പൗരസ്വീകരണം ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. ഓരോമതത്തിനും അവരുടേതായ വിശ്വാസാചാരങ്ങളുണ്ട്. അവ സംരംക്ഷിച്ചുകൊണ്ട് മാത്രമെ ഒരു ഭരണകൂടത്തിന് മുന്നോട്ടു പോകാന്‍കഴിയൂവെന്നും അദ്ദേഹം കൂട്ടിച്ചേര്‍ത്തു.ഇ.കെ.വിജയന്‍ എം.എല്‍.എ അധ്യക്ഷനായി.