മലപ്പുറം: കാളികാവ് വാഫി പി.ജി കാംപസ് വിദ്യാര്‍ഥി ഫസലുര്‍റഹ്മാ(21)ന്റെ മരണം വിശ്വസിക്കാനാവാതെ സഹപാഠികള്‍. ഒന്നാം വര്‍ഷ പി.ജി വിദ്യാര്‍ഥിയായിരുന്ന ഫസലുറഹ്മാന്‍ സഹപാഠികള്‍ക്കും അധ്യാപകര്‍ക്കും ഒരുപോലെ പ്രിയപ്പെട്ടവനായിരുന്നു. കോളജില്‍ നിന്നും വീട്ടിലേക്കുള്ള വഴിയിലാണ് ഫസലുറഹ്മാനെ മരണം തട്ടിയെടുത്തത്. ഞായറാഴ്ച്ച പുലര്‍ച്ചെയാണ് തിരുനാവായയില്‍ വെച്ച് അപകടമുണ്ടായത്. ഫസലുറഹ്മാന്‍ സഞ്ചരിച്ച ബൈക്ക് ലോറിയുമായി കൂട്ടിയിടിക്കുകയായിരുന്നു.
അപടകത്തില്‍ ഗുരുതര പരുക്കേറ്റതിനെ തുടര്‍ന്ന് നാട്ടുകാര്‍ കൊടക്കല്‍ സി.എസ്.ഐ മിഷന്‍ ആശുപത്രിയില്‍ എത്തിച്ചു. എന്നാല്‍ പരുക്ക് ഗുരുതരമായതിനാല്‍ പ്രാഥമിക ചികിത്സക്ക് ശേഷം കോട്ടക്കല്‍ അല്‍മാസ് ആശുപത്രിയിലേക്ക് കൊണ്ടുപോയി. കൊടക്കല്ലില്‍ നിന്നും അല്‍മാസില്‍ എത്തിക്കുകയും ചെയ്തുവെങ്കിലും ഫസലുറഹ്മാന്‍ ആശുപത്രിയില്‍ വച്ച് മരണത്തിന് കിഴടങ്ങുകയായിരുന്നു.
മരണവിവരമറിഞ്ഞ സപപാഠികളും അധ്യാപകരുമടക്കം നൂറുകണക്കിനാളുകളാണ് പെരുന്തല്ലൂരിലെ വീട്ടിലെത്തിയത്.