ഹോങ്കോങ്: ചൈനയുടെ പിന്തുണയുള്ള കാരി ലാമിനെ ഹോങ്കോങിന്റെ ചീഫ് എക്‌സിക്യുട്ടീവ് ആയി തെരഞ്ഞെടുത്തു. ഹോങ്കോങ് തെരഞ്ഞെടുപ്പ് കമ്മിറ്റിയാണ് ലാമിന്റെ വിജയം പ്രഖ്യാപിച്ചത്. 59 കാരിയായ ലാം ഹോങ്കോങ്ങിന്റെ ആദ്യത്തെ വനിതാ നേതാവാണ്.
772 വോട്ട് നേടിയാണ് ലാം തെരഞ്ഞെടുക്കപ്പെട്ടതെന്ന് സൗത്ത് ചൈനീസ് മോണിങ് പോസ്റ്റ് പത്രം റിപ്പോര്‍ട്ട് ചെയ്തു. ഇന്നലെ നടന്ന തെരഞ്ഞെടുപ്പില്‍ 1,194 വോട്ടാണ് രേഖപ്പെടുത്തിയത്. 7.3 ദശലക്ഷം പേരാണ് ഹോങ്കോങ്ങ് നഗരത്തില്‍ താമസിക്കുന്നത്.
പ്രതിപക്ഷമായ ഡെമോക്രാറ്റിനെ പരാജയപ്പെടുത്തിയാണ് ബെയ്ജിങ് അനുകൂല നിലപാടുകാരിയായ ലാം തെരഞ്ഞെടുക്കപ്പെട്ടതെന്നത് രാഷ്ട്രീയ പ്രാധാന്യം അര്‍ഹിക്കുന്നു.
ബ്രിട്ടീഷ് കോളനിയായിരുന്ന ഹോങ്കോങ് 20 വര്‍ഷം മുമ്പാണ് ഒരു രാജ്യം രണ്ട് സംവിധാനം എന്ന ഉടമ്പടിയില്‍ ചൈനയുടെ ഭാഗമായത്.