മണ്ണാര്‍ക്കാട്: പൊതുവിദ്യാഭ്യാസം ശക്തിപ്പെടുത്താന്‍ അധ്യാപകര്‍ അവധിക്കാലം കൂടുതല്‍ പ്രയോജനപ്പെടുത്തണമെന്ന് അഡ്വ. ഷംസുദ്ധീന്‍ എം.എല്‍.എ കഴിഞ്ഞ ഒരു വര്‍ഷത്തെ തങ്ങളുടെ ഒരു വര്‍ഷത്തെ അധ്യാപന മികവ് സ്വയം വിലയിരുത്തുകയും അടുത്ത വര്‍ഷത്തേക്കുള്ള തയ്യാറെടുപ്പുകള്‍ ഇക്കാലയളവില്‍ തയ്യാറാക്കണമെന്നും അദ്ദേഹം ആവശ്യപ്പെട്ടു.
കേരള അറബിക് ടീച്ചേഴ്‌സ് ഫെഡറേഷന്‍ (കെ.എ.ടി.എഫ്) പാലക്കാട് റവന്യൂജില്ലാ കമ്മിറ്റി സംഘടിപ്പിച്ച സര്‍വീസില്‍നിന്ന് വിരമിക്കുന്ന അധ്യാപകര്‍ക്കുള്ള യാത്രയയപ്പുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
മുന്‍കാല നേതാക്കളായ വി.കെ അബ്ദുല്‍ഖാദര്‍ മൗലവി, കെ. അസീസ് മാസ്റ്റര്‍, ടി.എ സലാം മാസ്റ്റര്‍, ടി. മുഹമ്മദലി മാസ്റ്റര്‍, കെ.എം സിദ്ധിഖ് മാസ്റ്റര്‍, ടി.കെ.എം ബഷീര്‍ മാസ്റ്റര്‍, മുഹമ്മദലി മാസ്റ്റര്‍ ചളവറ, മൊയ്തീന്‍കുട്ടി മാസ്റ്റര്‍ പങ്കെടുത്തു. എ. മുഹമ്മദ് മാസ്റ്റര്‍ മുഖ്യപ്രഭാഷണം നടത്തി. സര്‍വീസില്‍നിന്ന് വിരമിക്കുന്ന ജില്ലാ പ്രസിഡന്റ് പി. മുഹമ്മദ് മാസ്റ്റര്‍ക്കും മറ്റ് അധ്യാപകര്‍ക്കുമുള്ള ഉപഹാരം സി. അബ്ദുല്‍അസീസ് മാസ്റ്റര്‍ നല്‍കി. പി. കുഞ്ഞാലി മാസ്റ്റര്‍ അധ്യക്ഷനായി. ഇ.എ റഷീദ്, എം.ടി സൈനുല്‍ആബദീന്‍, മുഹമ്മദലി മിശ്കാത്തി, ജൈലാബ്ദീന്‍, ഹൈദ്രോസ്, മുസ്തഫ, അബ്ദുല്‍കരീം, പി.പി ഹംസ, അലി, അബ്ദുറസാഖ്, അബ്ദുലത്തീഫ്, സുബൈര്‍ പ്രസംഗിച്ചു. വി.എ.എം യൂസഫ് സ്വാഗതവും ടി. സൈതലവി നന്ദിയും പറഞ്ഞു.