കോട്ടയം: ഓള്‍ ഇന്ത്യ കോണ്‍ഫെഡറേഷന്‍ ഓഫ് എസ്.സി.എസ്.ടി ഓര്‍ഗനൈസേഷന്‍സ് സംസ്ഥാന കമ്മിറ്റിയുടെ നേതൃത്വത്തില്‍ അംബേദ്കര്‍ ഫെലോഷിപ്പ് നല്‍കുന്നതിന് അപേക്ഷ ക്ഷണിച്ചു.
 ഏപ്രില്‍ ഒമ്പതിന് അംബേദ്കര്‍ വാരാചരണ സമാപനത്തോടനുബന്ധിച്ച് തൃശൂരില്‍ നടക്കുന്ന സമ്മേളനത്തില്‍ അവാര്‍ഡുകള്‍ നല്‍കും.  ഡോ. ബി.ആര്‍ അബേദ്കര്‍, മഹാത്മാ ഫൂലേ, മഹാത്മാ അയ്യങ്കാളി എന്നിവരുടെ നാമധേയത്തിലുള്ള പുരസ്‌കാരങ്ങളാണ് നല്‍കുന്നത്.
പട്ടികജാതി - ഗോത്രവര്‍ഗ, സാമൂഹിക സാംസ്‌കാരിക സന്നദ്ധ സംഘടന പ്രവര്‍ത്തകര്‍, കലാസാഹിത്യ മാധ്യമ പ്രവര്‍ത്തകര്‍ എന്നിവരെയാണ് തിരഞ്ഞെടുക്കുന്നത്.
അപേക്ഷകള്‍ രണ്ട് പാസ് പോര്‍ട്ട് സൈസ് ഫോട്ടോയോടൊപ്പം ആര്‍ പ്രസന്നന്‍, ദേവികയില്‍ വീട്, ജവഹര്‍ റോഡ്, തെക്കേനടപി.ഒ, വൈക്കം 686141 എന്ന വിലാസത്തില്‍ അയക്കണം. വിശദവിവരത്തിന് 9400147082, 8157983398 എന്ന നമ്പരില്‍ ബന്ധപ്പെടണം.