കടമേരി: മത-ഭൗതിക സമന്വയ വിദ്യാഭ്യാസ രംഗത്ത് ശ്രദ്ധേയമായ പ്രവര്‍ത്തനം നടത്തിവരുന്ന റഹ്മാനിയ്യഃ കടമേരി എട്ടുവര്‍ഷ റഹ്മാനി കോഴ്‌സ് ഫൈനല്‍ പരീക്ഷാഫലം പ്രസിദ്ധീകരിച്ചു. മലപ്പുറം ജില്ലയിലെ പട്ടിക്കാട് സ്വദേശി പി. മുഹമ്മദ് സ്വാലിഹ് ഒന്നാംറാങ്ക് കരസ്ഥമാക്കി.
മലപ്പുറം തൃപ്പനച്ചി പാലക്കാട് സ്വദേശി പി.സി ഫള്‌ലുറഹ്മാന്‍ രണ്ടാം റാങ്കും മലപ്പുറം കൊണ്ടോട്ടി സ്വദേശി സൈനുല്‍ ആബിദീന്‍ മൂന്നാം റാങ്കും കരസ്ഥമാക്കി. റാങ്ക് ജേതാക്കളെ സമസ്ത കേരള ജംഇയ്യത്തുല്‍ ഉലമ സെക്രട്ടറിയും കോളജ് പ്രിന്‍സിപ്പലുമായ എം.ടി അബ്ദുല്ല മുസ്‌ലിയാര്‍ അനുമോദിച്ചു.
ഫൈനല്‍ പരീക്ഷാ ഫലം www.rahmaniyya.com എന്ന വെബ്‌സൈറ്റില്‍ ലഭ്യമാണ്.
ഈ വര്‍ഷത്തെ പി.ജി, യു.ജി, സെക്കന്‍ഡറി, ഹയര്‍സെക്കന്‍ഡറി പരീക്ഷാ ഫലങ്ങള്‍ ജൂണ്‍ നാലിന് റഹ്മാനിയ്യ വെബ്‌സൈറ്റില്‍ പ്രസിദ്ധീകരിക്കും.