കോതമംഗലം: ഫേസ് ബുക്കിലൂടെ മുഖ്യമന്ത്രി പിണറായി വിജയന് വധഭീഷണി സന്ദേശമയച്ച ആര്‍.എസ്.എസ് പ്രവര്‍ത്തകന്‍ അറസ്റ്റില്‍. കോതമംഗലം തൃക്കാരിയൂര്‍ കളമ്പാട്ട് സോമന്റെ മകന്‍ അജില്‍ കെ.സോമനാണ് മുഖ്യമന്ത്രിയെ വധിക്കുമെന്ന് ഭീഷണിപ്പെടുത്തി സന്ദേശം പ്രചരിപ്പിച്ചത്.
നിയമ നടപടി സ്വീകരിക്കണമെന്ന് ആവശ്യപ്പെട്ട് ഡി.ജി.പി യ്ക്കും എസ്.പി ക്കും സി.പി.എം കോതമംഗലം ഏരിയാ സെക്രട്ടറി ആര്‍. അനില്‍ കുമാര്‍ പരാതി നല്‍കിയിരുന്നു. ഇതിന്റെ അടിസ്ഥാനത്തിലാണ് അറസ്റ്റ്.