കാഞ്ഞങ്ങാട്: മലയാളി മനസാക്ഷിയെ ഞെട്ടിപ്പിച്ച് നടക്കുന്ന പീഡനങ്ങള്‍ക്കെതിരേ എം.എസ്.എഫ് കാഞ്ഞങ്ങാട് മണ്ഡലം കമ്മിറ്റിയുടെ നേതൃത്വത്തില്‍ 'പീഡന കേരളം പിടയുന്ന പെങ്ങന്മാര്‍' എന്ന പ്രമേയത്തില്‍ പ്രതിഷേധ കാംപയിന്‍ നടത്തി. കൈമുദ്ര തിരിച്ചുപിടിച്ച് മഷി ചാര്‍ത്തിയുള്ള കാംപയിന്‍ കാഞ്ഞങ്ങാട് ബസ് സ്റ്റാന്‍ഡ് പരിസരത്ത് എം.എസ്.എഫ് ജില്ലാ പ്രസിഡന്റ് ആബിദ് ആറങ്ങാടി ഉദ്ഘാടനം ചെയ്തു.
ജില്ലാ സെക്രട്ടറി റമീസ് ആറങ്ങാടി, മണ്ഡലം പ്രസിഡന്റ് ജാഫര്‍ കല്ലന്‍ച്ചിറ, ജന. സെക്രട്ടറി റംഷീദ് നമ്പ്യാര്‍ കൊച്ചി, ട്രഷറര്‍ ആത്തിഫ് തെക്കെപ്പുറം, വൈസ് പ്രസിഡന്റ് ഹാരിസ് ചിത്താരി, സാദിഖുല്‍ അമീന്‍, ഹസന്‍ പടിഞ്ഞാര്‍, റംഷീദ് തോയമ്മല്‍ പരിപാടിക്ക് നേതൃത്വം നല്‍കി.