പടിഞ്ഞാറത്തറ: പാണ്ടങ്കോട്ടെ വ്യാജ സിദ്ധനായ അന്‍വര്‍ സാദത്തിന്റെ പ്രവര്‍ത്തനങ്ങളില്‍ പ്രതിഷേധിച്ച് പടിഞ്ഞാറത്തറയിലെ രണ്ടും മൂന്നും വാഡുകളില്‍ ഇന്ന് വൈകിട്ട് ആറ് മുതല്‍ നാളെ വൈകിട്ട് ആറ് വരെ ഹര്‍ത്താല്‍ നടത്തുമെന്ന് പാണ്ടങ്കോട് ജനകീയ സമര സമിതി അറിയിച്ചു. ഇയാള്‍ പ്രദേശത്ത് വ്യാജ നേര്‍ച്ച നടത്താനുള്ള ശ്രമത്തിലാണ്. ഇത് പ്രദേശത്ത് സംഘര്‍ഷാവസ്ഥക്ക് കാരണമാക്കിയിട്ടുണ്ട്. ഇതേ തുടര്‍ന്നാണ് ഹര്‍ത്താല്‍ ആഹ്വാനം ചെയ്തതെന്ന് സമര സമിതി നേതാക്കള്‍ അറിയിച്ചു.