തിരുവനന്തപുരം: കോണ്‍ഗ്രസിനും ദൃശ്യമാധ്യമങ്ങള്‍ക്കും മുഖ്യമന്ത്രിയുടെ രൂക്ഷ വിമര്‍ശനം. ചെന്നിത്തലയുടെ വീടിന് ചുറ്റുമുള്ളവര്‍പോലും അദ്ദേഹത്തെ അംഗീകരിക്കുന്നില്ലെന്ന വസ്തുത തെരഞ്ഞെടുപ്പിലൂടെ വ്യക്തമായതായി മുഖ്യമന്ത്രി പറഞ്ഞു.
ന്യൂസ് റൂമിലിരുന്ന് കോട്ടും സ്യൂട്ടുമിട്ട് വിധികല്‍പ്പിക്കുന്നതല്ല ജനങ്ങളുടെ വിധിയെന്ന് ചെങ്ങന്നൂര്‍ തെരഞ്ഞെടുപ്പ് തെളിയിച്ചു. മാധ്യമങ്ങളുടെ വിധിതീര്‍പ്പ് രാഷ്ട്രീയത്തിനേറ്റ തിരിച്ചടിയാണ് ഇപ്പോഴുണ്ടായത്. സത്യത്തെ അസത്യമായി പ്രചരിപ്പിച്ചാല്‍ ജനങ്ങള്‍ ഏതുരീതിയില്‍ പ്രതികരിക്കുമെന്ന് ചെങ്ങന്നൂര്‍ തെളിയിച്ചു. എല്ലാവിഭാഗം ജനങ്ങളുടെയും സര്‍ക്കാരാണിതെന്നും അദ്ദേഹം പറഞ്ഞു.