വടവന്നൂര്‍: റെയില്‍വേയുടെ അവഗണനക്കെതിരേ യൂത്ത്‌കോണ്‍ഗ്രസ് സമരത്തില്‍ പ്രതിഷേധമിരമ്പി. ദീര്‍ഘദൂര ട്രയിനുകള്‍ക്ക് കൊല്ലങ്കോട്ടില്‍ സ്റ്റോപ്പ് അനുവദിക്കാത്ത റെയില്‍വെ അധികൃതര്‍ക്കെതിരേ വരും ദിവസങ്ങളില്‍ സമരം ശക്തമാക്കുമെന്ന് യൂത്ത് കോണ്‍ഗ്രസ് ജനകീയ സദസ് ഉദ്ഘാടനം ചെയ്ത കെ.എ. ചന്ദ്രന്‍ പറഞ്ഞു.
സ്‌കൂള്‍ സമയങ്ങളില്‍ കൂടുതല്‍ പാസഞ്ചര്‍ ട്രയിനുകള്‍ അനുവദിക്കണമെന്നും, റിസര്‍വേഷന്‍ സൗകര്യങ്ങള്‍ പുതുനഗരത്തും കൊല്ലങ്കോട്ടിലും ആരംഭിക്കണമെന്നും അദ്ദേഹം ആവശ്യപെട്ടു. പി.എ. രാജീവ് അധ്യക്ഷനായി. അഡ്വ. സി.സി. സുനില്‍, എ.വി. ഗോപിനാഥ്, കെ.എസ്. സക്കീര്‍ഹൂസൈന്‍, കെ. അബാസ്, വി.വി. സജേഷ് സംസാരിച്ചു.