മാഡ്രിഡ്: കൊറോണ വൈറസ് ബാധിച്ച് സ്‌പെയിനില്‍ ഇന്നു മാത്രം മരിച്ചത് 849 പേര്‍. ഒറ്റ ദിവസത്തില്‍ ഇത്രയും പേര്‍ മരിക്കുന്നത് ഇതാദ്യമായാണ്. ഇതോടെ സ്‌പെയിനില്‍ കൊറോണ ബാധിച്ച് മരിച്ചവരുടെ എണ്ണം 8,189 ആയി ഉയര്‍ന്നു.

യു.എസില്‍ വൈറസ് വ്യാപനം തടയാന്‍ കൂടുതല്‍ നിയന്ത്രണങ്ങള്‍ കൊണ്ടുവരുമെന്നാണ് സൂചന. ഇതുവരെ യു.എസില്‍ 1,63,500 പേര്‍ക്ക് കൊറോണ സ്ഥിരീകരിച്ചു. മൂവായിരത്തില്‍ അധികം പേര്‍ മരിക്കുകയും ചെയ്തു.

ലോകത്താകമാനം 7,84,000 പേര്‍ക്കാണ് കൊവിഡ്- 19 സ്ഥിരീകരിച്ചത്. ഇതില്‍ 1,65,000 പേര്‍ രോഗവിമുക്തരായി. 37500 പേര്‍ മരിക്കുകയും ചെയ്തു.

ഇറാനില്‍ കൊറോണ ബാധിച്ച് മരിച്ചവരുടെ എണ്ണം 2,898 ആയി ഉയര്‍ന്നു. ഇന്നലെ മുതല്‍ 141 പേരാണ് മരിച്ചത്.