സോള്‍: ദക്ഷിണ കൊറിയയിലെ പുറത്താക്കപ്പെട്ട പ്രസിഡന്റ് പാര്‍ക്ക് ഗ്വാന്‍ഹൈയെ അറസ്റ്റ് ചെയ്തു. അഴിമതി, അധികാര ദുര്‍വിനിയോഗം എന്നീ കുറ്റങ്ങളിലാണ് ഇവര്‍ അറസ്റ്റിലായത്.

സര്‍ക്കാര്‍ രഹസ്യം ചോര്‍ത്തി, കൈക്കൂലി, അഴിമതി തുടങ്ങിയ കുറ്റങ്ങള്‍ ചേര്‍ത്ത് അറസ്റ്റ് ചെയ്യാനാണ് സോള്‍ സെന്‍ട്രല്‍ ഡിസ്ട്രിക്റ്റ് കോടതി ഉത്തരിട്ടത്.

അറസ്റ്റ് ചെയ്തുകൊണ്ടു പോവുന്നതിനിടെ ഇവര്‍ക്ക് അഭിവാദ്യം അര്‍പ്പിക്കാന്‍ അമ്പതോളം പ്രവര്‍ത്തകര്‍ വീടിനു മുമ്പിലുണ്ടായിരുന്നു. ഇവരെ പ്രോസിക്യൂഷന് ഹാജരാക്കുന്നതിന്റെ മുന്നോടിയായി 1,20,000 പേജുള്ള രേഖകള്‍ കോടതിയില്‍ സമര്‍പ്പിച്ചിട്ടുണ്ട്.

മേയ് ഒന്‍പതിനാണ് പുതിയ പ്രസിഡന്റിനു വേണ്ടിയുള്ള തെരഞ്ഞെടുപ്പ് നടക്കുന്നത്.