മലപ്പുറം: മങ്കട കൂട്ടില്‍ കുന്നശ്ശേരി നസീര്‍ ഹുസൈനെ കൊലപ്പെടുത്തിയ കേസില്‍ അറസ്റ്റിലായ പ്രതികളെ 14 ദിവസത്തേക്ക് റിമാന്‍ഡ് ചെയ്തു. മഞ്ചേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് ആണ് റിമാന്‍ഡ് ചെയ്തത്. സക്കീര്‍, സുഹൈല്‍ എന്നിവരെയാണ് റിമാന്‍ഡ് ചെയ്തത്.
ഗൂഡല്ലൂരില്‍ ലോഡ്ജില്‍ ഒളിവില്‍ കഴിയുകയായിരുന്ന ഇവരെ കഴിഞ്ഞ ദിവസമാണ് പൊലിസ് പിടികൂടിയത്. നേരത്തെ അറസ്റ്റിലായ എന്‍.കെ നാസര്‍, അബ്ദുല്‍ ഗഫൂര്‍, ഷെഫീഖ്, ഷറഫുദ്ദീന്‍ എന്നിവര്‍ റിമാന്‍ഡിലാണ്. കഴിഞ്ഞ ചൊവ്വാഴ്ച പുലര്‍ച്ചെയാണ് നസീറിനെ കൊലപ്പെടുത്തിയത്.