മൂവാറ്റുപുഴ: വഴിയോര കച്ചവട തൊഴിലാളികള്‍ക്ക് ക്ഷേമനിധി ഏര്‍പ്പെടുത്തണമെന്ന് വഴിയോര കച്ചവട തൊഴിലാളി യൂണിയന്‍(സി.ഐ.റ്റി.യു) മൂവാറ്റുപുഴ ഏരിയ കണ്‍വന്‍ഷന്‍ ആവശ്യപ്പെട്ടു. വഴിയോര കച്ചവടക്കാര്‍ക്ക് തദ്ദേശ സ്വയം ഭരണ സ്ഥാപനങ്ങള്‍ ലൈസന്‍സ് നല്‍കണമെന്നും, മറ്റ് വ്യാപാര സ്ഥാപനങ്ങള്‍ക്ക് ലോണ്‍നല്‍കുന്നത് പോലെ വഴിയോര കച്ചവടക്കാര്‍ക്കും ചെറുകിട ലോണ്‍ നല്‍കണമെന്നും കണ്‍വന്‍ഷന്‍ ആവശ്യപ്പെട്ടു. കണ്‍വെന്‍ഷന്‍ സി.ഐ.റ്റി.യു.ഏരിയ സെക്രട്ടറി എം.എ.സഹീര്‍ ഉദ്ഘാടനം ചെയ്തു. പി.എച്ച്.ഷാനവാസ് അധ്യക്ഷത വഹിച്ചു. അലി അക്ബര്‍, ബിജു എന്നിവര്‍ പ്രസംഗിച്ചു.