എരുമപ്പെട്ടി: കടങ്ങോട് പഞ്ചായത്തിലെ വെള്ളത്തേരിയില്‍ നെല്‍വയല്‍ നികത്തി നിര്‍മാണ പ്രവര്‍ത്തനം നടത്തുന്നതിനെതിരേ യൂത്ത് കോണ്‍ഗ്രസ് കൊടിനാട്ടി പ്രതിഷേധിച്ചു.
പഞ്ചായത്തിലെ പത്താം വാര്‍ഡിലാണ് നെല്‍വയല്‍ നികത്തി കെട്ടിടം നിര്‍മാണമാരംഭിച്ചിരിക്കുന്നത്. പഞ്ചായത്ത് ഭരണസമിതിയുടെ ഒത്താശയോടെയാണ് നിയമവിരുദ്ധ പ്രവര്‍ത്തനങ്ങള്‍ നടത്തുന്നതെന്ന് യൂത്ത് കോണ്‍ഗ്രസ് ആരോപിച്ചു.
മണ്ഡലം കമ്മിറ്റിയുടെ നേതൃത്വത്തില്‍ നടത്തിയ പ്രതിഷേധ സമരം പ്രസിഡന്റ് ലിപിന്‍ കെ.മോഹന്‍ ഉദ്ഘാടനം ചെയ്തു. വൈസ് പ്രസിഡന്റ് മാരായ എം.പി റഫീക്ക് തങ്ങള്‍, സുനിത് മണ്ടംപറമ്പ്, ജനറല്‍ സെക്രട്ടറി ജംഷീര്‍ പാഴിയോട്ട്മുറി, നവാസ് പേങ്ങാട്ടുപാറ, വിഷ്ണു ചിറമനേങ്ങാട് നേതൃത്വം നല്‍കി.