എടപ്പാള്‍: വട്ടംകുളം ഗ്രാമപ്പഞ്ചായത്ത് ബിരുദ, ഡിപ്ലോമ വിദ്യാര്‍ഥികള്‍ക്ക് നല്‍കുന്ന ലാപ്‌ടോപ്പിന്റെ വിതരണം പ്രസിഡന്റ് ശ്രീജ പാറയ്ക്കല്‍ ഉദ്ഘാടനംചെയ്തു.
വിദ്യാര്‍ഥികളുടെ പഠനിലവാരം മെച്ചപ്പെടുത്തുന്നതിനായി 13,00,000 രൂപ വകയിരുത്തിയാണ് പദ്ധതി നടപ്പാക്കിയത്. 61 വിദ്യാര്‍ഥികള്‍ക്കാണ് ലാപ്‌ടോപ്പ് വിതരണം ചെയ്തത്. വൈസ്.പ്രസിഡന്റ് എം.മുസ്തഫ അധ്യക്ഷനായി. പി.കൃഷ്ണന്‍,ബീന മഞ്ഞക്കാട്ട്,പ്രീത,എം.എ.നവാബ്,പത്തില്‍ അഷ്‌റഫ്,എം.എ.നജീബ്,ഷെരീഫ,കഴുങ്ങില്‍ മജീദ്,പ്രേമലത,അനിത,ജാനകി,രാധാകൃഷ്ണന്‍ സംസാരിച്ചു.