മുക്കം: മുക്കത്ത് വീണ്ടും മയക്കുമരുന്ന് വേട്ട. മാനസിക രോഗികള്‍ക്ക് നല്‍കുന്ന 270 നെട്രോസെന്‍ ഗുളികകളുമായി മൈക്കാവ് സ്വദേശിയായ അജിത്ത് എന്ന യുവാവാണ് പിടിയിലായത്.
ഇന്നലെ പകല്‍ ഒരു മണിയോടെ മുക്കം കടവ് പാലത്തിന് സമീപം കാരമൂല റോഡില്‍ വച്ചാണ് ഇയാളെ പിടികൂടിയത്.
രഹസ്യവിവരം ലഭിച്ചതിന്റെ അടിസ്ഥാനത്തില്‍ പൊലിസ് നടത്തിയ പരിശോധനയിലാണ് ഇയാള്‍ പിടിയിലായത്.
മയക്കുമരുന്ന് വേട്ടക്ക് മുക്കം എസ്.ഐ കെ.പി അഭിലാഷ്, എ.എസ്.ഐ ജയമോദ്, സലീം, ശ്രീജേഷ്, ഷഫീഖ് നീലിയാനിക്കല്‍, താമരശ്ശേരി ഡി.വൈ.എസ്.പിയുടെ ക്രൈം സ്‌ക്വാഡ് അംഗങ്ങളായ രതീഷ്, രാജീവ് ബാബു, ഷിബില്‍ ജോസഫ്, ജിതിന്‍ ലാല്‍, ആരോഹ്, അരുണ്‍, സ്‌പെഷല്‍ ബ്രാഞ്ച് ഓഫിസര്‍ പ്രദീപ് എന്നിവര്‍ നേതൃത്വം നല്‍കി.