ഗൂഡല്ലൂര്‍: പത്തുമാസം പ്രായമുള്ള കാട്ടാനക്കുട്ടിയെ ചരിഞ്ഞ നിലയില്‍ കണ്ടെത്തി.
നെല്ലാക്കോട്ട പഞ്ചായത്തിലെ ബിതര്‍ക്കാട് റെയ്ഞ്ച് പരിധിയിലെ ചീമുണ്ടിവനത്തിലാണ് കാട്ടാന കുട്ടിയുടെ ജഡം കണ്ടത്. വനത്തില്‍ റോന്തു ചുറ്റുന്നതിനിടെ വനപാലകരാണ് ജഡം കണ്ടത്.
തുടര്‍ന്ന് ബിതര്‍ക്കാട് റെയ്ഞ്ചര്‍ മനോഹരന്‍ സംഭവസ്ഥലത്തെത്തി ജഡം പരിശോധിച്ചു. വെറ്ററിനറി സര്‍ജന്‍ പ്രഭു പോസ്റ്റ്‌മോര്‍ട്ടം നടത്തി.