മുക്കം: നടമ്മല്‍ പൊയില്‍ ജി.എം.എല്‍.പി സ്‌കൂള്‍ നവതി ആഘോഷ പരിപാടികളുടെ സമാപന സമ്മാനമായി ഓമശ്ശേരി ഗ്രാമപഞ്ചായത്ത് വക സ്മാര്‍ട്ട് ക്ലാസ് റൂം ലഭിച്ചു. ഗ്രാമ പഞ്ചായത്ത് പ്രസിഡന്റ് സി.കെ ഖദീജാ മുഹമ്മദ് നിര്‍വഹിച്ചു. വാര്‍ഡ് മെമ്പര്‍ വസന്ത രാജേന്ദ്രന്‍ അധ്യക്ഷയായി. ഗ്രാമ പഞ്ചായത്ത് വൈസ് പ്രസിഡന്റ് ഇ.ജെ മനു, സ്റ്റാന്റിങ് കമ്മറ്റി ചെയര്‍മാന്‍ പി.വി അബ്ദുറഹ്മാന്‍ മാസ്റ്റര്‍, പി.ടി.എ പ്രസിഡന്റ് ടി.എന്‍ അബ്ദുറസാഖ്, എ.കുഞ്ഞാലി മാസ്റ്റര്‍, എം സന്ദാനന്ദന്‍ സംസാരിച്ചു. പ്രധാനധ്യാപകന്‍ എന്‍.കെ അബ്ദുല്‍ മജീദ് മാസ്റ്റര്‍ സ്വാഗതവും സ്റ്റാഫ് സെക്രട്ടറി ഷക്കീര്‍ മാസ്റ്റര്‍ പെരിവില്ലി നന്ദിയും പറഞ്ഞു.