മട്ടന്നൂര്‍: വാഹനാപകടത്തില്‍ മരിച്ച മാധ്യമം ലേഖകന്‍ നാസര്‍ മട്ടന്നൂരിന്റെ സ്മരണയ്ക്കു പ്രസ്‌ഫോറവും നാസര്‍ അനുസ്മരണ സമിതിയും ഏര്‍പ്പെടുത്തിയ സംസ്ഥാനതല പ്രാദേശിക പത്ര പ്രവര്‍ത്തക അവാര്‍ഡ് മാധ്യമം പത്തനാപുരം ലേഖകന്‍ അശ്വിന്‍ പഞ്ചാക്ഷരി അര്‍ഹനായി. ആദിവാസി വിഭാഗത്തെക്കുറിച്ച് തയാറാക്കിയ ക്ഷേമം തേടുന്ന മണ്ണിന്റെ മക്കള്‍ എന്ന പരമ്പരയ്ക്കാണ് അവാര്‍ഡ്. 5001 രൂപയും ശില്‍പവും അടങ്ങുന്ന അവാര്‍ഡ് ആറിനു വൈകുന്നേരം നാലിന് മട്ടന്നൂര്‍ കൂടാളി പബ്ലിക് സര്‍വന്റ്‌സ് സൊസൈറ്റി ഹാളില്‍ നടക്കുന്ന നാസര്‍ അനുസ്മരണത്തില്‍ വിതരണം ചെയ്യും.