ഡൽഹി: മുംബൈ ഭീകരാക്രമണത്തിലെ പ്രതി തഹവ്വൂർ റാണയുടെ ജുഡീഷ്യൽ കസ്റ്റഡി ആഗസ്റ്റ് 13 വരെ നീട്ടി. നേരത്തെ അനുവദിച്ച കസ്റ്റഡി കാലാവധി അവസാനിച്ചതിന് പിന്നാലെ എൻഐഎ വീഡിയോ കോൾ വഴിയാണ് റാണയെ ഡൽഹി കോടതിയിൽ ഹാജരാക്കിയത്.  സ്പെഷ്യൽ ജഡ്ജ് ചാന്ദർ ജിത് സിങാണ് ഈ ഉത്തരവിട്ടത്. 

കേസുമായി ബന്ധപ്പെട്ട് എൻഐഎ അനുബന്ധ കുറ്റപത്രം സമർപ്പിച്ചിട്ടുണ്ട്.  ആഗസ്റ്റ് 13ന് കോടതി ഈ വിഷയം പരിഗണിക്കും. ജൂലൈ 15ന് കുടുംബവുമായി സംസാരിക്കണമെന്ന റാണയുടെ ആവശ്യവും കോടതി പരിഗണിക്കും. 

2008ൽ നടന്ന മുംബൈ ഭീകരാക്രമണത്തിന്റെ മുഖ്യ സൂത്രധാരനായ യുഎസ് പൗരൻ ഡേവിഡ് കോൾമാൻ ഹെഡ് ലിയുമായി അടുത്ത ബന്ധം പുലർത്തിയ ആയിരുന്നു റാണ. ഏപ്രിൽ നാലിന് ഇന്ത്യക്ക് കൈമാറുന്നതുമായി ബന്ധപ്പെട്ട പുനപരിശോധന ഹര്ജി യുഎസ് സുപ്രീംകോടതി തള്ളിയതിന് പിന്നാലെയാണ് റാണ ഇന്ത്യയിൽ എത്തിയത്. 2008 നവംബർ 26നാണ് 10 പേരടങ്ങുന്ന പാകിസ്താൻ തീവ്രവാദികൾ മുംബൈയുടെ ആഡംബര ഹോട്ടലിലും ജ്യൂത കേന്ദ്രങ്ങളിലും ഭീകരാക്രമണം നടത്തിയത്. ആക്രമത്തിൽ 166 ആളുകളാണ് കൊല്ലപ്പെട്ടത്.

Mumbai terror attack Delhi court extends judicial custody of accused Tahawwur Rana