കൊച്ചി: ഇടപ്പള്ളി-മണ്ണൂത്തി ദേശീയ പാതയിലെ അറ്റകുറ്റപണികൾ ഒരാഴ്ച്ചക്കുള്ളിൽ പൂർത്തിയാക്കി ഗതാഗതം സുഗമമാക്കുമെന്ന് കേന്ദ്ര സർക്കാർ ഹൈക്കോടതിയിൽ ഉറപ്പു നൽകി. സർവീസ് റോഡുകളുടെ അടക്കം നിർമ്മാണം പൂർത്തിയാക്കിയിട്ടില്ലെന്നും പാലിയേക്കരയിലുള്ള ടോൾ പിരിവ് നിർത്തിവെക്കണമെന്നും ആവശ്യപ്പെട്ടുള്ള ഹര്ജിയിലാണ് ഹൈക്കോടതിയുടെ മുന്നിലുള്ളത്.

കേന്ദ്ര സർക്കാർ ഉറപ്പ് നൽകിയില്ലെങ്കിൽ ടോൾ പിരിവ് നിർത്തിവെക്കേണ്ടി വരുമെന്നാണ് സിംഗിൾ ബെഞ്ച് മുന്നറിയിപ്പ് നൽകിയത്. റോഡിന്റെ തുടർ നടപടികളുടെ കാര്യത്തിൽ ദേശിയപാത അതോറിറ്റിയുടെ കടുത്ത അവഗണനയാണെന്നും പണം നൽകുന്ന ജനങ്ങൾക്ക് സുഗമമായ യാത്രക്ക് അവകാശമുണ്ടെന്നും കോടതി വ്യക്തമാക്കി. 

Central government assures High Court that National Highway repairs will be completed within a week