കായംകുളം: ഇരുമ്പ് തോട്ടി ഉപയോഗിച്ച് മാങ്ങ പറിക്കുന്നതിനിടെ യുവാവ് ഷോക്കേറ്റ് മരിച്ചു. ഹരിപ്പാട് നങ്ങ്യാര്‍കുളങ്ങര കവലയില്‍ ഓട്ടോ ഇലക്ട്രിക് കട നടത്തുന്ന ചിറക്കടവം കൂന്തോളിത്തറയില്‍ വിശ്വംഭരനാ( 43 )ണ് മരിച്ചത്. ഇന്നലെ രാവിലെ 10മണിയോടെ വീടിനു സമീപമുള്ള മാവില്‍ കയറി  മാങ്ങ പറിക്കുന്നതിനിടെ തോട്ടി സമീപത്തുള്ള 11 കെവി ലൈനിലേക്ക് വീഴുകയായിരുന്നു. 

ബുധനാഴ്ച രാവിലെയാണ് സംഭവം. ഷോക്കേറ്റ് മരത്തില്‍ കുടുങ്ങിക്കിടന്ന വിശ്വംഭരനെ കായംകുളം അഗ്നിശമനസേനയെത്തി താഴെയിറക്കിയ ശേഷം താലൂക്കാശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.  ഭാര്യ രജനി. മക്കള്‍: അച്ചു, അപ്പു.