ലാഹോര്‍: പാകിസ്താനിലെ പഞ്ചാബ് പ്രവിശ്യയില്‍ സര്‍ഗോദ ജില്ലയിലെ  ദര്‍ഗ സന്ദര്‍ശിക്കാത്തെിയവര്‍ക്കു നേരെ ദര്‍ഗ പരിപാലകന്റെ ആക്രമണം. ആക്രമണത്തില്‍ 20 പേര്‍ കൊല്ലപ്പെട്ടു. മൂന്നു പേര്‍ക്ക് പരുക്കേറ്റിട്ടുണ്ട്. മുഹമ്മദ് അലി ഗുജ്ജര്‍ ദര്‍ഗയിലാണ് ക്രൂരമായ ആക്രമണം അരങ്ങേറിയത്.

ദര്‍ഗപരിപാലകനായ അബ്ദുല്‍ വഹീദ് ആണ് ആക്രമണം നടത്തിയത്. ശനിയാഴ്ച അര്‍ധരാത്രിയായിരുന്നു സംഭവം. കഠാരിയും ദണ്ഡുമുപയോഗിച്ചാണ് ഇയാള്‍ ആക്രമണം നടത്തിയതെന്ന് സര്‍ഗോദ ഡപ്യൂട്ടി കമ്മീഷണര്‍ ലിയാഖത്ത് അലി ഛത്ത പറഞ്ഞു.

വഹീദിനെയും മറ്റു രണ്ടു പേരെയും പൊലിസ് അറസ്റ്റു ചെയ്തു. വഹീദിന് മാനസിക പ്രശ്‌നമുണ്ടെന്നാണ് പൊലിസിന്റെ വിലയിരുത്തല്‍.

അപകടത്തില്‍ പരുക്കേറ്റ യുവതി ആശുപത്രിയിലെത്തിയതോടെയാണ് സംഭവം പുറം ലോകമറിഞ്ഞത്.