ഗിഫു: ഇന്ത്യയുടെ മലയാളി താരം ജിസ്‌ന മാത്യുവിന് ഏഷ്യന്‍ ജൂനിയര്‍ അത്‌ലറ്റിക്‌സ് ചാംപ്യന്‍ഷിപ്പില്‍ സ്വര്‍ണം. വനിതകളുടെ 400 മീറ്ററില്‍ മത്സരിക്കാനിറങ്ങിയ ജിസ്‌ന 53.26 സെക്കന്‍ഡില്‍ ഫിനിഷ് ചെയ്താണ് ഇന്ത്യക്ക് സ്വര്‍ണം സമ്മാനിച്ചത്. രണ്ടാം ദിനത്തില്‍ ജിസ്‌നയുടെ സ്വര്‍ണം കൂടാതെ അഞ്ച് വെങ്കലം മെഡലുകളും ഇന്ത്യ സ്വന്തമാക്കി. ഇതോടെ രണ്ട് സ്വര്‍ണം ഒരു വെള്ളി ഏഴ് വെങ്കലം മെഡലുകളായി ഇന്ത്യന്‍ സമ്പാദ്യം.
വനിതകളുടെ 1,500 മീറ്ററില്‍ ദുര്‍ഗ ഡിയോര്‍, പുരുഷന്‍മാരുടെ ലോങ് ജംപില്‍ എം ശ്രീശങ്കര്‍, ഷോട് പുട്ടില്‍ അജയ് ഭലോതിയ, വനിതാ ലോങ് ജംപില്‍ അഭിനയ സുധാകര, പുരുഷന്‍മാരുടെ 10000 മീറ്ററില്‍ കാര്‍ത്തിക് കുമാര്‍ എന്നിവരാണ് വെങ്കലം നേടിയത്.