ആലുവ: ഡിവൈ.എസ്.പി പ്രഫുല്ല ചന്ദ്രനെ സ്ഥലം മാറ്റി. എടത്തലയില്‍ ഉസ്മാനെ പൊലിസ് മര്‍ദിച്ച കേസിന്റെ പശ്ചാത്തലത്തിലാണ് നടപടി. എറണാകുളം സിറ്റി എസ്.എസ്.ബിയിലേക്കാണ് സ്ഥലം മാറ്റം. വരാപ്പുഴ ശ്രീജിത്തിന്റെ കസ്റ്റഡി കൊലപാതകത്തില്‍ ആരോപണ വിധേയനായ ഉദ്യോഗസ്ഥനാണ് പ്രഫുല്ല ചന്ദ്രന്‍.
അതിനിടെ മണല്‍ക്കടത്തിന്റെ പേരില്‍ ഡിവൈ.എസ്.പിക്കടക്കം എടത്തല സ്റ്റേഷനിലെ പല ഉദ്യോഗസ്ഥര്‍ക്കും പതിനായിരം രൂപ കൈക്കൂലി നല്‍കിയിട്ടുണ്ടെന്ന് ഉസ്മാന്റെ ബന്ധുവും മണല്‍ക്കച്ചവടക്കാരനുമായ വ്യക്തി ആരോപിച്ചിരുന്നു.