കായംകുളം: കേരളത്തില്‍ നിന്ന് കര്‍ണാടകത്തിലേക്ക് ജീവന്‍ രക്ഷാ മരുന്ന് എത്തിച്ച് നല്‍കി ചൈല്‍ഡ് പ്രൊട്ടകട് ടീം മാതൃകയായി
ബംഗ്ലൂരുവില്‍ ചികിത്സയില്‍ കഴിയുന്ന രോഗിക്ക് അടിയന്തിരമായി നല്‍കേണ്ട മരുന്നാണ് ചൈല്‍ഡ് പ്രൊട്ടകട് ടീം എത്തിച്ചത്. കര്‍ണാടകത്തില്‍ ലഭ്യമല്ലാതിരുന്ന സാഹചര്യത്തില്‍ ആ മരുന്ന് കേരളത്തില്‍ നിന്നും ബാംഗ്ലൂരില്‍ എത്തിച്ച് നല്‍കാമോ എന്ന് അഭ്യര്‍ത്ഥനയുമായി ചൈല്‍ഡ് പ്രൊട്ടക്ട് ടീം സംസ്ഥാന വൈസ് പ്രസിഡന്റ് ശാന്തകുമാറിനെ ബന്ധപ്പെടുകയായിരുന്നു.
തുടര്‍ന്ന് സി പി റ്റി ആക്ഷന്‍ ഫോഴ്‌സ് ഗ്രൂപ്പിന്റെ ശ്രദ്ധയില്‍ പ്പെടുത്തി. സ്റ്റേറ്റ് സെക്രട്ടറി വിനോദ് അണിമംഗലത്ത് ഉടന്‍ തന്നെ സുല്‍ത്താന്‍ ബത്തേരിയില്‍ നിന്നും മരുന്ന് വാങ്ങി ബാംഗ്ലൂരിലേക്ക് പോകാന്‍ പെര്‍മിഷന്‍ ലഭിച്ച വാഹനത്തില്‍ മരുന്ന് കൊടുത്തുവിടുകയായിരുന്നു. ഇന്ന് രാവിലെ രോഗിയുടെ ബന്ധുക്കള്‍ മരുന്ന് കൈപ്പറ്റുകയും ചെയ്തു.