റിയാദ്: യമനില്‍ ശക്തമായ പോരാട്ടം നടക്കുന്ന സഅദാ പ്രവിശ്യയില്‍ വിമത വിഭാഗത്തിലെ നിരവധി പേരെ വകവരുത്തിയതായി സഖ്യസേന. ഇരുപത്തിനാലു മണിക്കൂറിനിടെ 44 ഹൂതികള്‍ കൊല്ലപ്പെട്ടതായി സഖ്യ സേന അറിയിച്ചു. നിരവധി സൈനിക കവചിത വാഹനങ്ങളും ആയുധങ്ങളും സഖ്യസേന നശിപ്പിച്ചിട്ടുണ്ട്. യമന്‍ ഔദ്യോഗിക സേനക്ക് പിന്‍ബലമേകിയാണ് സഖ്യസേന വിവിധ കേന്ദ്രങ്ങളില്‍ ആക്രമണം നടത്തുന്നത്.
അല്‍ ജൗഫ്, സഅദ ഗവര്‍ണറേറ്റുകളില്‍ യമന്‍ സൈന്യവും സഖ്യസേനയും ശക്തമായ മുന്നേറ്റം നടത്തിയതായി സഖ്യസേന അറിയിച്ചു. സഅദയിലെ ഹൂതികളുടെ ശക്തി ക്ഷയിപ്പിക്കാന്‍ കഴിഞ്ഞതായും പിടിച്ചെടുക്കാനുള്ള നീക്കം നടക്കുകയാണെന്നും സൈനിക വൃത്തങ്ങള്‍ അറിയിച്ചു.