ദോഹ: ഖത്തറില്‍ ഇന്ന് 567 പേര്‍ക്കു കൂടി കൊറോണ വൈറസ് ബാധ സ്ഥിരീകരിച്ചു. ഇതോടെ രാജ്യത്തെ രോഗികളുടെ എണ്ണം 6015 ആയി ഉയര്‍ന്നു. കൊറോണ ബാധിച്ച് രാജ്യത്ത് ഒരാള്‍ കൂടി മരിച്ചതായി ഖത്തര്‍ ആരോഗ്യ മന്ത്രാലയം അറിയിച്ചു. ഇതോടെ ഖത്തറില്‍ മരിച്ച കൊറോണ ബാധിതരുടെ എണ്ണം 9 ആയി.

56 വയസ്സുള്ള പ്രവാസിയാണ് ഇന്ന് മരിച്ചത്. ഇയാള്‍ക്ക് നേരത്തേ മറ്റ് അസുഖങ്ങളുണ്ടായിരുന്നു. കൊറോണ ബാധയെ തുടര്‍ന്ന് ഇത് സങ്കീര്‍ണമായതാണ് മരണകാരണമായത്. മരിച്ചയാളുടെ ബന്ധുക്കളോട് ഖത്തര്‍ ആരോഗ്യമന്ത്രാലയം അനുശോചനം അറിയിച്ചു.