ജിദ്ദ: കൊറോണ പ്രതിരോധ പ്രവര്‍ത്തനങ്ങളുടെ ഭാഗമായി
ഇരു ഹറമുകളിലും സമൂഹ ഇഫ്താറിന് പകരം മക്കയിലെയും മദീനയിലെയും അര്‍ഹരായവര്‍ക്ക് ഇഫ്താര്‍ കിറ്റുകള്‍ വിതരണം ചെയ്യുമെന്ന് ഇരുഹറം കാര്യ വിഭാഗം മേധാവി ശൈഖ് അബ്ദുറഹ്മാന്‍ അല്‍സുദൈസ് അറിയിച്ചു.

മക്ക, മദീന ഗവര്‍ണറേറ്റുകളുമായി സഹകരിച്ചാണ് കിറ്റ് വിതരണം നടക്കുക. കോവിഡ് വ്യാപന നിയന്ത്രണത്തിന്റെ ഭാഗമാണ് ഈ വര്‍ഷം സമൂഹ ഇഫ്താര്‍ ഒഴിവാക്കിയത്.

മക്കയില്‍ 'ബര്‍റന്‍ ബിമക്ക' കാമ്പയിനിന്റെ ഭാഗമായും മദീനയില്‍ ഖൈറുല്‍ മദീന കാമ്പയിനിന്റെയും ഭാഗമായാണ് ഇഫ്താര്‍ കിറ്റുകള്‍ വിതരണം ചെയ്യുക.