കോഴിക്കോട് :കൊവിഡ്‌19 പ്രതിരോധ പ്രവര്‍ത്തനങ്ങളുടെ ഭാഗമായി എസ് കെ എസ് എസ് എഫ് വിഖായ പ്രവര്‍ത്തകര്‍ സ്വയം നിര്‍മ്മിച്ച മാസ്‌ക് സൗജന്യമായി വിതരണം ചെയ്തത് ശ്രദ്ധേയമായി. കഴിഞ്ഞ രണ്ടാഴ്ചക്കാലമായി സംസ്ഥാന കമ്മിറ്റി ഓഫീസായ ഇസ് ലാമിക് സെന്ററില്‍ വിഖായയുടെ മാസ്‌ക് നിര്‍മ്മാണ യൂണിറ്റ് പ്രവര്‍ത്തിച്ച് വരികയാണ്. ഇതിനകം മുപ്പതിനായിരം മാസ്‌ക് വിഖായ പ്രവര്‍ത്തര്‍ നിര്‍മ്മിച്ചു കഴിഞ്ഞു.

മെഡിക്കല്‍ കോളജില്‍ നടന്ന ചടങ്ങില്‍ സൂപ്രണ്ട് കെ.ജി സജിത്കുമാര്‍ ഏറ്റുവാങ്ങി. മെഡിക്കല്‍ കോളജ് കാഷ്വാലിറ്റി, സൂപ്പര്‍ സ്‌പെഷ്യാലിറ്റി ആശുപത്രി, ഓട്ടോസ്റ്റാന്റ് ഉള്‍പ്പടെ മാസ്‌ക് ധരിക്കാതെ പരിസരത്തുണ്ടായിരുന്ന പൊതുജനങ്ങള്‍ക്കെല്ലാം വിതരണം ചെയ്തു. ചടങ്ങില്‍ മെഡിക്കല്‍ കോളജ് സബ് ഇന്‍സ്‌പെക്ടര്‍ ബാവ രഞ്ജിത്, എസ് കെ എസ് എസ് എഫ് സംസ്ഥാന ഭാരവാഹികളായ ആഷിഖ് കുഴിപ്പുറം, ടി.പി സുബൈര്‍ മാസ്റ്റര്‍, ഒ.പി.എം അഷ്‌റഫ് വിഖായ ഭാരവാഹികളായ സലാം ഫറോക്ക്, അബൂബക്കര്‍ സിദ്ദീഖ്, അബ്ദുല്‍ ജലീല്‍ മാസ്റ്റര്‍, ഷഫീഖ് കായലം, റാഫി യമാനി കാരന്തൂര്‍, റിജാസ് മായനാട്, ഫസല്‍ കോഴിക്കോട് സൗത്ത്, അഷ്‌റഫ് ഓമശ്ശേരി, അബ്ദുറഹ്മാന്‍ കോഴിക്കോട് നോര്‍ത്ത് തുടങ്ങിയവര്‍ സംബന്ധിച്ചു.

[video width="1920" height="1080" mp4="http://suprabhaatham.com/wp-content/uploads/2020/04/DSC_2094.mp4"][/video]