തിരുവനന്തപുരം: റെഡ്‌സോണിലെ ഹോട്ട്‌സ്‌പോട്ട് പ്രദേശങ്ങളില്‍ കാസര്‍കോട് ജില്ലയില്‍ നടപ്പാക്കിയതുപോലെ ട്രിപ്പിള്‍ ലോക്ക്ഡൗണ്‍ ഏര്‍പ്പെടുത്തും. ഇത്തരം പ്രദേശങ്ങളില്‍ കൂടുതല്‍ ബാരിക്കേഡുകള്‍ സ്ഥാപിച്ച് വാഹനപരിശോധന കര്‍ശനമാക്കും.

അവശ്യസാധനങ്ങള്‍ പൊലിസ് വീടുകളില്‍ എത്തിക്കും. മറ്റു ഹോട്ട്‌സ്‌പോട്ട് മേഖലകള്‍ സീല്‍ ചെയ്ത് പ്രവേശനം ഒരു വഴിയില്‍ കൂടി മാത്രമാക്കിയിട്ടുണ്ട്. ഇത്തരം സ്ഥലങ്ങളില്‍ ഉയര്‍ന്ന പൊലീസ് ഉദ്യോഗസ്ഥരെ പരിശോധനയ്ക്കു നിയോഗിച്ചു.

ഞായറാഴ്ച്ച മുതല്‍ ചൊവ്വാഴ്ച്ച വരെ 60 മണിക്കൂര്‍ നേരത്തേക്ക് ലോക്ഡൗണ്‍ ശക്തിപ്പെടുത്താന്‍ തമിഴ്‌നാട് സര്‍ക്കാര്‍ തീരുമാനിച്ച സാഹചര്യത്തില്‍ അതിര്‍ത്തി ജില്ലകളില്‍ പൊലിസ് പരിശോധന കര്‍ശനമാക്കും.