ചങ്ങരംകുളം: ചിയ്യാനൂര്‍ ഗവ.എല്‍.പി സ്‌കൂള്‍ 105ാം വാര്‍ഷികാഘോഷം ആലങ്കോട് ഗ്രാമപഞ്ചായത്ത് പ്രസിഡന്റ് ആയിഷ ഹസന്‍ ഉദ്ഘാടനം ചെയ്തു. വാര്‍ഡ് മെമ്പര്‍ കെ.എം ഹാരിസ് അധ്യക്ഷനായി. പൂര്‍വ്വ വിദ്യാര്‍ഥിയും ദേശീയ വയലിന്‍ ജേതാവുമായ ഗോകുല്‍ വി.എസിന് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ സബിത അനില്‍ ഉപഹാരം നല്‍കി. മൂന്ന് പതിറ്റാണ്ടിലധികമായി സ്‌കൂളില്‍ പാചക ജോലി ചെയ്ത് വരുന്ന മാലതിയമ്മയെ ചടങ്ങില്‍ ആദരിച്ചു. പഠന മികവ് പുലര്‍ത്തിയ കുട്ടികള്‍ക്കുള്ള എന്റോവ്‌മെന്റ് വിതരണം പഞ്ചായത്ത് വൈ. പ്രസിഡന്റ് ഇ.ആര്‍ ലിജേഷ് നിര്‍വഹിച്ചു. അനിതാ ദിനേശ്, പി.പി ജയന്തി, സല്‍മ മുഹമ്മദ് കുട്ടി, അംബിക, എം.പി ബാലകൃഷ്ണന്‍ സംസാരിച്ചു.