കാസര്‍കോട്: സമസ്ത കേരള ജംഇയ്യത്തുല്‍ മുഅല്ലിമിന്‍ കാസര്‍കോട് ജില്ലാ കമ്മിറ്റി നടത്തുന്ന ഇസ്‌ലാമിക് കലാമത്സരത്തിനു പ്രൗഢോജ്ജ്വല തുടക്കം. മൊഗ്രാലില്‍ നടക്കുന്ന പരിപാടി ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ ഉദ്ഘാടനം ചെയ്തു. ലത്തിഫ് മൗലവി അധ്യക്ഷനായി. സ്വാഗത സംഘം ചെയര്‍മാന്‍ ഹാദി തങ്ങള്‍ പതാക ഉയര്‍ത്തി.  എം.എസ് തങ്ങള്‍ മദനി പ്രാര്‍ഥന നടത്തി. അബുബക്കര്‍ സാലൂദ് നിസാമി, ഹംസത്തു സഅദി, സ്വലാഹുദ്ദിന്‍, അഷ്‌റഫ്,  ഹുസൈന്‍ തങ്ങള്‍, ബഷിര്‍ ദാരിമി, സുബൈര്‍ നിസാമി, അഷ്‌റഫ് ഫൈസി, ഹാരിസ് റഹ്മാനി, ഹനീഫ് മൗലവി, ഇസ്മായില്‍ സുഹ്രി, അഷ്‌റഫ് ഫൈസി, പി.എച്ച് അസ്ഹരി, സലാം നഈമി സംബന്ധിച്ചു.