തലശ്ശേരി: കൊട്ടിയൂര്‍ പീഡന കേസിലെ മുഖ്യപ്രതി ഫാ.റോബിന്‍ വടക്കുംചേരി നല്‍കിയ ജാമ്യ ഹരജി തലശ്ശേരി അഡീഷണല്‍ ജില്ലാ സെഷന്‍സ് (അഡ്‌ഹോക്-ഒന്ന്) കോടതി ജഡ്ജ് ശ്രീകലാ സുരേഷ് ഇന്ന് പരിഗണിക്കും.
കേസിലെ ഒന്നാം പ്രതിയായ റോബിന്‍ നല്‍കിയ ജാമ്യ ഹരജിയില്‍ നേരത്തെ വാദം പൂര്‍ത്തിയായിരുന്നു. എന്നാല്‍ വിധി പ്രഖ്യാപനത്തിന് വച്ച ശേഷം ഹരജിയില്‍ കൂടുതല്‍ വാദം ആവശ്യമാണെന്ന പ്രതിഭാഗത്തിന്റെ ആവശ്യത്തെ തുടര്‍ന്ന് ഹരജി വിധി പറയാതെ കഴിഞ്ഞ ദിവസം മാറ്റുകയായിരുന്നു. കേസിലെ ഒന്‍പത് പ്രതികള്‍ക്ക് കോടതി നേരത്തെ ജാമ്യം നല്‍കിയിരുന്നു.