ന്യൂഡല്‍ഹി:ആര്‍.ജെ.ഡി നേതാവും മുന്‍ ബിഹാര്‍ മുഖ്യമന്ത്രിയുമായ ലാലുപ്രസാദ് യാദവിന്റെ ഉടമസ്ഥതയിലുള്ള ഭൂമിയില്‍ കെട്ടിടനിര്‍മാണത്തിനിടയില്‍ കുഴിച്ചെടുത്ത മണ്ണ് ടെന്‍ഡര്‍പോലും നല്‍കാതെ ബിഹാര്‍ വനം വകുപ്പ് വാങ്ങിയത് വിവാദമാകുന്നു. ലാലുവിന്റെ മകനും ബിഹാര്‍ ഉപമുഖ്യമന്ത്രിയും വനംപരിസ്ഥിതി മന്ത്രിയുമായ തേജ്പ്രതാപ് ഡയരക്ടറായ കമ്പനിയുടെ ഉടമസ്ഥതയിലുള്ളതാണ് ഭൂമി.
ഷോപ്പിങ് മാള്‍ നിര്‍മാണത്തിന്റെ ഭാഗമായി കുഴിച്ചെടുത്ത മണ്ണാണ് പട്‌ന മൃഗശാലയിലെ നിര്‍മാണങ്ങള്‍ക്കായി വനംവകുപ്പ് വാങ്ങിയത്. 90 ലക്ഷം രൂപയുടെ ഇടപാടിന് ടെന്‍ഡര്‍ വിളിച്ചിരുന്നില്ലെന്നതാണ് വിവാദത്തിന് ഇടയാക്കിയത്. ഇതിനെതിരേ പ്രതിപക്ഷം ആരോപണവുമായി രംഗത്തെത്തിയിട്ടുണ്ട്.