പാലക്കാട്: കെ.എസ്.ആര്‍.ടി.സി ഡിപ്പോ നിര്‍മാണം രണ്ട് ഘട്ടങ്ങളിലായി നടത്താന്‍ ആലോചന. ആദ്യഘട്ടത്തില്‍ എം.എല്‍.എ ആസ്തി വികസന ഫണ്ടില്‍ നിന്നുള്ള 7.10 കോടി രൂപ ഉപയോഗിച്ചുള്ള പ്രവര്‍ത്തികള്‍ ആരംഭിക്കാനും, അതിന് ശേഷം വാര്‍ഷിക പാട്ട പ്രകാരം തല്‍പരായ ആളുകളില്‍ നിന്നും ലഭിക്കുന്ന തുക ഉപയോഗിച്ചായിരിക്കും രണ്ടാംഘട്ട പ്രവര്‍ത്തികള്‍ നടത്തുക.ആദ്യഘട്ടത്തില്‍ പൂര്‍ണ്ണമായും യാത്രക്കാര്‍ക്ക് വേണ്ട സൗകര്യങ്ങള്‍ ഒരുക്കുവാനും ബസ് പാര്‍ക്കിങ്ങിനും മറ്റു വേണ്ട സൗകര്യങ്ങള്‍ക്കാവും പ്രധാന്യം കൊടുക്കുക. എന്നാല്‍ രൂപ രേഖ തയ്യാറാക്കുന്ന സമയത്തും കെട്ടിടത്തിന്റെ അടിത്തറ നിര്‍മിക്കുന്ന ഘട്ടത്തിലും ഭാവി വികസന സാധ്യതകള്‍ മുന്നില്‍ കണ്ടാവും നിര്‍മാണം ആരംഭിക്കുക. ഇന്നലെ തിരുവനന്തപുരത്ത് ഇത് സംബന്ധിച്ച് ചേര്‍ന്ന യോഗത്തില്‍ ഷാഫി പറമ്പില്‍ എം.എല്‍.എ, സി.എം ഡി ടോമിന്‍ ജെ തങ്കച്ചരി, ചീഫ് എന്‍ജിനീയര്‍ ഇന്ദു, ഊരാളിങ്കല്‍ സൊസൈറ്റി ചെയര്‍മാന്‍ രമേഷ് പങ്കെടുത്തു.