പാലക്കാട്: ലോട്ടറി വിറ്റു ഉപജീവനം കഴിയുന്ന ഭിന്നശേഷിക്കാരിയായ തന്നെ അയല്‍വാസികളും, ബന്ധുക്കളും ചേര്‍ന്ന് മാനസികമായി പീഡിപ്പിക്കുകയും, വീട്ടു ഉപകരണങ്ങളും, പണവും അപഹരിക്കുകയും ചെയ്തതായി കരിങ്കരപുള്ളി അമ്പലപ്പറമ്പില്‍ താമസിക്കുന്ന 65 കാരിയായ കല്യാണി വാര്‍ത്താസമ്മേളനത്തില്‍ അറിയിച്ചു.
നിലവിളക്കുള്‍പ്പെടെ വീട്ടില്‍ ഉപയോഗിക്കുന്ന ഉപകരണങ്ങളും, മേശയില്‍ സൂക്ഷിച്ചിരുന്ന പണവും അയല്‍വാസികളായ ചിലര്‍ മോഷ്ടിച്ചു.
ഇതു സംബന്ധിച്ച് സൗത്ത് പൊലിസില്‍ പരാതി നല്‍കിയിട്ടും നടപടിയെടുക്കുന്നില്ല. തനിക്ക് സഞ്ചരിക്കാന്‍ നല്‍കിയ മുച്ചക്ര വാഹനവും ചിലര്‍ തട്ടിയെടുത്തുവെന്നും അവര്‍ പറഞ്ഞു.