ഷൊര്‍ണൂര്‍: കാര്‍ഷികോപകരണങ്ങള്‍ നിര്‍മിക്കുന്ന കമ്പനികള്‍ കടുത്ത പ്രതിസന്ധിയില്‍. വേണ്ടത്ര ഓര്‍ഡര്‍ ലഭിക്കാത്തതാണ് കമ്പനികള്‍ പ്രതിസന്ധിയിലാകാന്‍ കാരണം.
നോട്ട് പ്രതിസന്ധിയെ തുടര്‍ന്നുണ്ടായ മാന്ദ്യ കെട്ടടങ്ങിയപ്പോഴേക്കാണ് പുതിയപ്രതിസന്ധി ഉടലെടുത്തത്. കൈക്കോട്ട്, പിക്കാസ്, ഹാമര്‍, ദോശച്ചട്ടികള്‍, ഉണ്ണിയപ്പച്ചട്ടികള്‍, അരിവാള്‍, മടാള്‍, കത്തിരി എന്നിവയാണ് പ്രധാനമായും മേഖലയില്‍ നിര്‍മ്മിക്കുന്നത്.
സംസ്ഥാനത്തു ദക്ഷിണേന്ത്യന്‍ സംസ്ഥാനങ്ങളാണ് പ്രധാനമായും ഉല്‍പന്നങ്ങളുടെ വിപണി. ഓര്‍ഡര്‍ ലഭിക്കാത്തതിനു പുറമേ ചില കമ്പനികള്‍ ഓഫിന്റെ വക്കിലാണ്.
വ്യവസായ നഗരമായ ഷൊര്‍ണൂരില്‍ സര്‍ക്കാര്‍ ഉടമസ്ഥതയിലുള്ള മെറ്റല്‍ ഇന്‍ഡസ്ട്രീസ് ഉള്‍പ്പെടെ എട്ടോളം കമ്പനികളും, ചെറുകിട കമ്പനികള്‍ അമ്പതില്‍ മുകളിലുമായി ഇതുമായി ബന്ധപ്പെട്ട് പ്രവര്‍ത്തിക്കുന്നുണ്ട്.