കൊണ്ടോട്ടി: സംസ്ഥാന ഹജ്ജ് കമ്മിറ്റിക്കു കീഴില്‍ ഹജ്ജിനു പോകുന്നവരെ സഹായിക്കുന്നതിനായുള്ള വളണ്ടിയര്‍മാരുടെ ലിസ്റ്റ് പ്രസിദ്ധീകരിച്ചു. മക്കയിലും മദീനയിലും തീര്‍ഥാടകരെ സഹായിക്കുന്നതിനായാണ് ഈ വര്‍ഷം 50 വളണ്ടിയര്‍മാരെ കേന്ദ്ര ഹജ്ജ് കമ്മിറ്റി തെരഞ്ഞെടുത്തത്. 

ഇവരുടെ ലിസ്റ്റ് നേരത്തെ സംസ്ഥാന ഹജ്ജ് കമ്മിറ്റി കേന്ദ്ര ഹജ്ജ് കമ്മിറ്റിക്കു കൈമാറിയിരുന്നു. തെരഞ്ഞെടുക്കപ്പെട്ടവരുടെ പേരു വിവരങ്ങള്‍ ഹജ്ജ് വെബ്‌സൈറ്റില്‍ ലഭ്യമാണ്. വളണ്ടിയര്‍മാരുടെ ആദ്യ യോഗം 12ന് (ചൊവ്വ) കരിപ്പൂര്‍ ഹജ്ജ് ഹൗസില്‍ ചേരുമെന്നു സംസ്ഥാന ഹജ്ജ് കമ്മിറ്റി അറിയിച്ചു.