കല്‍പ്പറ്റ: തീ പടര്‍ന്ന് മേപ്പാടി കുന്നംമ്പറ്റയില്‍ ഒരേക്കര്‍ കാപ്പിത്തോട്ടം കത്തി നശിച്ചു. കുന്നമ്പറ്റ സ്വദേശി നിവ്യാ ഗാര്‍ഡന്‍സിംല നിധിന്‍ വസന്തിന്റെ ഉടമസ്ഥതയിലുള്ള സരസ്വതി എസ്റ്റേറ്റിന്റെ കാപ്പിത്തോട്ടമാണ് കഴിഞ്ഞദിവസം ഉച്ചയോടെ കത്തിനശിച്ചത്. നാട്ടുകാര്‍ വിവരമറിയിച്ചതിനെ തുടര്‍ന്ന് ഫയര്‍ ഫോഴ്‌സ് എത്തി തീ അണച്ചതിനാല്‍ കൂടുതല്‍ കൃഷിയിടങ്ങളിലേക്ക് വ്യാപിക്കുന്നത് തടയാന്‍ കഴിഞ്ഞു. എസ്‌റ്റേറ്റിന് സമീപത്തെ കെ.എസ്.ഇ.ബി ട്രാന്‍സ്‌ഫോഫോര്‍മറില്‍ നിന്നാണ് തീ പടര്‍ന്നതെന്നാണ് വിവരം. സംഭവത്തില്‍ നിധിന്‍ മേപ്പാടി പൊലിസില്‍ പരാതി നല്‍കിയിട്ടുണ്ട്.