പെരുമ്പാവൂര്‍: ഒക്കല്‍ മുസ്‌ലിം ജമാഅത്തിന്റെ ആഭിമുഖ്യത്തില്‍ സംഘടിപ്പിക്കുന്ന ത്രിദിന മതവിജ്ഞാന സദസ്സ് ഇന്ന് ആരംഭിക്കും. ഏഴ്, എട്ട്, ഒമ്പത് തിയ്യതികളിലായി ഒക്കല്‍ ജുമാമസ്ജിദ് അങ്കണത്തില്‍ വൈകീട്ട് ഏഴിനാണ് ദീന വിജ്ഞാന സദസ്സ് സംഘടിപ്പിച്ചിരിക്കുന്നത്. ഇന്ന് ആരംഭിക്കുന്ന പരിപാടി ടി.എ അമീന്‍ മൗലവി ഉദ്ഘാടനം ചെയ്യും. എന്‍.കെ ജബ്ബാര്‍ അധ്യക്ഷത വഹിക്കും. ദുആ മജിലിസിന് ഹംസ മൗലവി പേഴയ്ക്കാപ്പിള്ളി നേതൃത്വം നല്‍കും. തുടര്‍ന്ന് പുലരുന്ന പ്രവചനങ്ങള്‍ എന്ന വിഷയത്തില്‍ അഷറഫ് അഷറഫി പന്താവൂര്‍ പ്രഭാഷണം നടത്തും. എട്ടിന് വൈകീട്ട് 7.30ന് കുടുംബ ജീവിതം എന്ന വിഷയത്തില്‍ ഷരീഫ് അല്‍ ഖാസിമി തിരുവനന്തപുരവും ഒമ്പതിന് വൈകീട്ട് 7.30ന് ജീവിത ലക്ഷ്യം എന്ന വിഷയത്തില്‍ അബൂബക്കര്‍ ഹുദവി മുണ്ടമ്പറമ്പും പ്രഭാഷണം നടത്തും.