വയനാട്: മേപ്പാടിയില്‍ ദുരിതബാധിതര്‍ക്ക് സര്‍ക്കാര്‍ പുതുതായി നല്‍കിയ കിറ്റിലും കാലാവധി കഴിഞ്ഞ ഭക്ഷ്യവസ്തുക്കളെന്ന് പരാതി. പഞ്ചായത്ത് ഭരണസമിതിയാണ് ആരോപണവുമായി രംഗത്തെത്തിയത്. 

30നും ഒന്നിനും വിതരണം ചെയ്ത ചില അരിച്ചാക്കുകളില്‍ ചെള്ളുകളെയും മറ്റ് പ്രാണികളെയും കണ്ടെത്തി. 2018 ല്‍ കാലാവധി കഴിഞ്ഞ ചാക്കുകളും വിതരണം ചെയ്തിട്ടുണ്ട്. ചില ചാക്കുകളില്‍ ഡേറ്റില്ലെന്നും പരാതിയുണ്ട്. പുഴുക്കളരിച്ചതില്‍ 12 ചാക്കും ഡേറ്റില്ലാതെ ആറുപത് ചാക്കുകളുമാണ് പുതുതായി മാറ്റിവെച്ചതെന്നും ഭരണസമിതി പറഞ്ഞു.

അരിച്ചാക്ക് പഞ്ചായത്ത് പൂഴ്ത്തിവച്ചെന്ന് ആരോപിച്ച് കഴിഞ്ഞ ദിവസം ഇവിടെ ഡിവൈഎഫ്‌ഐ പ്രതിഷേധം നടത്തിയിരുന്നു. ഇതിന് പിന്നാലെയാണ് റവന്യൂ വകുപ്പില്‍ നിന്നും പുതിയ അരി വിതരണം ചെയ്യാന്‍ തുടങ്ങിയത്.

New kit issued by revenue department in Mepadi also expired