ദമാം: ഹൃദയഘാതത്തെ തടുർന്ന് മലയാളി മരിച്ചു. മാവേലിക്കര പുതിയകാവ് സ്വദേശിയും ജുബൈലിലെ സ്വകാര്യ ടാക്സി ഡ്രൈവറുമായിരുന്ന മോഹൻദാസ് (58) ആണ് മരിച്ചത്. കഴിഞ്ഞ ദിവസം താമസസ്ഥലത്ത് നെഞ്ചുവേദന അനുഭവപ്പെട്ട് കുഴഞ്ഞു വീഴുകയായിരുന്നു. കൂടെ താമസിച്ചിരുന്നവർ ജുബൈൽ ജനറൽ ആശുപത്രിയിൽ എത്തിച്ചുവെങ്കിലും മരണപ്പെടുകയായിരുന്നു.

     20 വർഷമായി സഊദിയിൽ പ്രവാസ ജീവിതം നയിച്ചു വരികയാണ്. നേരത്തെ പ്ലംബിങ് സാധനങ്ങൾ വിൽക്കുന്ന കടയിലായിരുന്നു. പിന്നീടാണ് ടാക്സി മേഖലയിലേക്ക് തിരിഞ്ഞത്. മൃതദേഹം ജുബൈൽ ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. ഭാര്യ: ശ്യാമള. മകൾ: ശ്രീക്കുട്ടി. പ്രവാസി സാംസ്‌കാരിക വേദി ജനസേവന വിഭാഗം
ചെയർമാൻ സലിം ആലപ്പുഴയുടെ നേതൃത്വത്തിൽ തുടർ നടപടികൾ പൂർത്തിയായി വരികയാണ്.