റിയാദ്: കെ.എം.സി.സി റിയാദ് സെൻട്രൽ കമ്മിറ്റിയുടെ കീഴിൽ കെ.എം.സി.സി ലീഗൽ റൈറ്റ്സ് സമിതിക്ക് രൂപം നൽകി.  വെൽഫെയർ വിങ്ങിന്റെ ആഭിമുഖ്യത്തിൽ  നോർക്ക, പ്രവാസി ഭാരതീയ ഭീമ യോജന തുടങ്ങി കേന്ദ്ര, സംസ്ഥാന സർക്കാറുകളുടെ വിവിധ പദ്ധതികളിൽ നിന്നുള്ള
ആനുകൂല്യങ്ങൾ ലഭ്യമാക്കുന്നതിനാവശ്യമായ മാർഗനിർദ്ദേശം നൽകുക, ആനുകൂല്യങ്ങൾ ലഭ്യമാക്കുക എന്നീ ലക്ഷ്യങ്ങൾ മുൻ നിർത്തിയാണ്‌ വെൽഫെയർ വിങ്ങിന്റെ ആഭിമുഖ്യത്തിൽ ഉപസമിതിക്ക് രൂപം നൽകിയത്.  സിദ്ദിഖ് തുവ്വൂർ ചെയർമാനും റഫീഖ് ഹസൻ വെട്ടത്തൂർ ജനറൽ കൺവീനറും ഷഫീഖ് കൂടാളി കോർഡിനേറ്ററുമായ കമ്മിറ്റിയിൽ സുഹൈൽ കൊടുവള്ളി (വൈസ് ചെയർമാൻ),  സഫീർ തിരൂർ,  മൊയ്‌തീൻ കോയ കല്ലമ്പാറ , ഷാജഹാൻ വള്ളിക്കുന്ന്, ജാബിർ വാഴമ്പുറം, അൻഷാദ് തൃശൂർ,   ജുനൈദ്, ഷബീർ കുളത്തൂർ  റഫീഖ് പൂപ്പലം, മുത്തു കട്ടുപ്പാറ,മുഖ്താർ,  ജബ്ബാർ പാലത്തിങ്കൽ,  ശിഹാബ് താഴെക്കോട്,  ഷറഫു കണ്ണമംഗലം, മുഹമ്മദ് അലി മങ്കട എന്നിവർ അംഗങ്ങളുമായിരിക്കുമെന്ന് റിയാദ് കെ എം സി സി സെൻട്രൽ കമ്മിറ്റി പ്രസിഡൻറ് സി.പി മുസ്തഫ അറിയിച്ചു.