കയ്പമംഗലം: വോളിബോള്‍, ത്രോബോള്‍, അത്‌ലറ്റിക്‌സ്, നീന്തല്‍ എന്നിവയില്‍ കുട്ടികള്‍ക്ക് പിശീലനം നല്‍കുന്നു. എസ്.എന്‍.എസ്.സി ചെന്ത്രാപ്പിന്നി, ആട്‌സ് ഓഫ് ലിവിംഗ്, പെരുമ്പടപ്പ് യു.പി സ്‌കൂള്‍ എന്നിവയുടെ സംയുക്താഭിമുഖ്യത്തിലാണ് വിദ്യാര്‍ഥികള്‍ക്ക് പരിശീലനം നല്‍കുന്നത്.
പതിനാല് വയസിന് താഴെയുള്ള ആണ്‍കുട്ടികളേയും പെണ്‍കുട്ടികളേയുമാണ് പരിശീലന ക്യാംപിലേക്ക് തെരഞ്ഞെടുക്കുന്നത്. പെരുമ്പടപ്പ് ഈസ്റ്റ് യു.പി സ്‌കൂള്‍ ഗ്രൗണ്ടിലാണ് പരിശീലനം നടത്തുന്നത്. ഒരു വര്‍ഷം പിന്നിട്ട ക്യാംപില്‍ നിന്നുള്ള വിദ്യാര്‍ഥികള്‍ ഇതിനകം തന്നെ ജില്ലാ, സംസ്ഥാന ടീമുകളിലേക്ക് തെരഞ്ഞെടുക്കപ്പെട്ടതായി സംഘാടകര്‍ അവകാശപ്പെടുന്നു.
പത്തിന് രാവിലെ ഏഴിന് പുതിയ പരിശീലന ക്യാംപിന് തുടക്കമാവും. താല്‍പര്യമുള്ള വിദ്യാര്‍ഥികള്‍ രക്ഷിതാക്കളോടൊപ്പം പരിശീലന ഗ്രൗണ്ടിലേക്ക് എത്തിച്ചേരണമെന്നും സംഘാടകര്‍ അറിയിച്ചു.