ന്യൂഡല്‍ഹി: അഞ്ചു ദിവസത്തെ ആഫ്രിക്ക സന്ദര്‍ശനത്തിനായി പ്രധാനമന്ത്രി നരേന്ദ്രമോദി ഇന്ന് പുലര്‍ച്ചെ യാത്രതിരിച്ചു. മൊസാംബിക്, ദക്ഷിണാഫ്രിക്ക, കെനിയ, ടാന്‍സാനിയ എന്നീ രാജ്യങ്ങള്‍ അദ്ദേഹം സന്ദര്‍ശിക്കും.

ആഫ്രിക്കന്‍ വന്‍കരയില്‍ മോദി നടത്തുന്ന ആദ്യസന്ദര്‍ശനമാണിത്. ഇന്ത്യ - ആഫ്രിക്ക ബന്ധം മെച്ചപ്പെടുത്തുകയാണ് തന്റെ സന്ദര്‍ശനത്തിന്റെ ലക്ഷ്യമെന്ന് യാത്ര പുറപ്പെടും മുമ്പ് അദ്ദേഹം ട്വിറ്ററിലൂടെ അറിയിച്ചു.

മൊസംബിക് ആണ് അദ്ദേഹം ആദ്യം സന്ദര്‍ശിക്കുക. അതിനു ശേഷം വൈകുന്നേരം അദ്ദേഹം ദക്ഷിണാഫ്രിക്കയിലേക്ക് തിരിക്കും. പ്രിട്ടോറിയ, ജൊഹന്നാസ്ബര്‍ഗ്, ഡന്‍ബന്‍ എന്നിവിടങ്ങളില്‍ നടക്കുന്ന ചടങ്ങുകളില്‍ അദ്ദേഹം പങ്കെടുക്കും. പിന്നീട് ശനിയാഴ്ച്ച ടാന്‍സാനിയയിലേക്കും തുടര്‍ന്ന് കെനിയയിലേക്കും പോകും.