പാലക്കാട്: പുതുനഗരം കൊല്ലങ്കോട് റോഡരികിയില്‍ യുവാവിന്റെ മൃതദേഹം കണ്ടെത്തി. സമീപത്തുതന്നെ മറ്റൊരു യുവാവിനെയും അവശനിലയില്‍ കണ്ടെത്തിയിട്ടുണ്ട്.

തത്തമംഗലം കുറ്റിക്കാട് പരേതനായ ബേബിയുടെ മകന്‍ ജിതിന്‍ ആണ് മരിച്ചത്. വേട്ടുക്കട കൊശവന്‍മേട് മണികണ്ഠന്റെ മകന്‍ സുമേഷാണ് സമീപത്ത് അവശനിലയില്‍ കണ്ടത്. ഇയാളെ പാലക്കാട് ജില്ലാ ആശുപത്രിയില്‍ പ്രവേശിപ്പിച്ചു.

റെയില്‍വേ ട്രാക്കിനു സമീപത്താണ് മൃതദേഹം കണ്ടെത്തിയത്. ബന്ധുക്കളെത്തിയാണ് മൃതദേഹം തിരിച്ചറിഞ്ഞത്. മരണകാരണം വ്യക്തമല്ല. പൊലിസ് അന്വേഷണം ആരംഭിച്ചു.